القائمة إغلاق

حمو بيكا يشن هجوماً جديداً على هاني شاكر

وجه مطرب المهرجانات الشعبية حمو بيكا، رسالة إلى الفنان هاني شاكر نقيب المهن الموسيقية، خلال لقائه ببرنامج “وشوشة”، المذاع عبر قناة “النهار”، وقال بيكا لهاني شاكر: “انا موافق انك تمنعني بس لما اتمنع والاقي زمايلي في المهنة بيشتغلوا مفيش حد في المجال معاه ورق، انا لما اجي كافيه يعلن أن حمو بيكا جاي الدنيا بتتقلب، انما لو حد تاني نازل ولا اي حاجة ياخد التصريح ويمشي”.

واضاف حمو بيكا قائلا: “انا عايز اقولهم انا عملت ايه ولا انا مين اللي موقفني انا لما خلاص مليت طلعت اشتكي للرئيس، انا بوصل صوتي انا رجل مليش اي قضية اول ما وقفت قدام وكيل نيابة واقف قدامه في مايك.. عليا 3 قضايا فى النقابة، راجل عمري عمري ما دخلت قسم ولا اتحبست، وانا واقف قدام القاضي بقوله أنت بتحاكمني عشان بغني.

وتابع بيكا قائلا: “انا مش فاهم لو هتمنعني أمنع الكل بس مينفعش احنا دلوقتي فيه ملايين بيسمعونا، ليه بلدي متخدنيش في حضنها، احنا مش بننسرق ولا بننهب احنا بنغني بنقدم فين، لينا جمهور بيسمعنا، انا كل يوم تعبان” ، واصل كلامه قائلا: “انا عندي شركة كبيرة بنتج وبعمل فيها كل حاجة اغاني واصور وكل حاجة انا حابب انزل قدام الناس ليه بتمنعني”.

الموضوعات المرتبطة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll Up
error: لا يمكنك نسخ المحتوى !! .. قم بالضغط على زر المشاركة اسفل الموضوع